بايعناك      علي علي
واليناك      علي علي
والبايعك هنياله

.......................………………
عهد كل عام ايتــــجدد
ابنيه بيضه والله يشهد
بيك كل شيعي تباهه…..
مـن رفع چفك محـــمد

لبســـــــك تاج السياده
وبس الك تحله القياده
اولايتــك نعمه چبيره…
اوياك غمــرتنه السعاده

عشنه وياك     علي علي
واليــــــناك     علي علي
والبايعك هنياله
.......................……………

ياهو غير يســوه احبه
واســـمه بالدلال اكتبه
مالگيــــت البي كفايه…
ابساعة الكلفات اندبه

بيك ضل يشهد ضميري
يگول بس حيدر اميري
انه من زغري هويتك..
عاقد ابحبك مصـــيري

ناديناك     علي علي
واليناك     علي علي
والبايعك هنياله
……………………………………

بيعه بيها الباري بارك
بيها جبـــرائيل شارك
الك وقعنه ابدمانه…
ياعلي وداعت فقارك

يا حبيـب اللـه ونبـــيه
وحجة الله اعله البريه
فاز كلمن ينتــميلك….
بالولايه الحيـــــــدريه

عاهدناك    علي علي
واليـناك    علي علي
والبايعك هنياله
…………………………

يروحلك فدوه الخليفه
وتخسه اتباع الســقيفه
لافكـر لادين عـــــدهم…
كل مصــادرهم ضعيفه

علمك يحارب جهلهم
اي فعل مايشهد الهم
صفحة التاريخ سوده...
ياعلي ضلت مثلهم

تخسه اعداك    علي علي
واليـــــــــناك    علي علي
والبايعك هنياله
…………………………………

✍️كامل السعيدي

دِعْبِل اشـگـال وقره ابــ ابياته ؟
والرضا اعله الــخد همل دمعاته
ويلاه يـــــــــا فاطمه


ــــــــــــــــــــــــــــــــــــــــــــــ

دعبل ابـ أبياته ياناس اشقره
وخله نيران الإمام امـــوجره
يلزچيه احسينچ انحز منحره

واثنعش طبره الــنحر طبراته
ويلاه يـــــــــا فاطمه

ــــــــــــــــــــــــــــــــــــــــــــ

فاطمه ولو شفتي صدره امن انسحَگ
علـــــــــ ضهر من ثگل الـخيول انطُبَگ
كل عظم معناها من اعظـــامه طَـــــگ

ضلعه بالخيمه انسمع طگــــــــــــــــاته
ويلاه يـــــــــا فاطمه

ـــــــــــــــــــــــــــــــــــــــــــــــ

فاطمه ودارت على احسينچ اُلـوف
بالحجاره وبالرماح وبالــــــــسيوف
مو فقط خنصر إله انگطعت چفوف

ويشهد الــــــــــــــجمّال ذن زلاتـه
ويلاه يـــــــــا فاطمه

ـــــــــــــــــــــــــــــــــــــــــــــ

فاطمه وبجروحه ما يوفي الشرح
مو جرح الــــــــف وتسعمية جرح
بالرمل ممليه الجروح وملـــــــــح

وُ وحده فوگ الثانيه طعنــــــــاته
ويلاه يـــــــــا فاطمه

ــــــــــــــــــــــــــــــــــــــــــــ

حلِّـلو دمه ابــــشهر حرمة قتال
ومثلو بي من بعد ما دمه سال
جسمه كالـقنفذ صُبح من النبال

ومن بعد چتله احرگو خيماته
ويلاه يـــــــــا فاطمه

ـــــــــــــــــــــــــــــــــــــــــــ

ظل ثلث تيام علــــــغبره الـــغريب
تصهر ابجسمه الشمس حد المغيب
للحشر وجروحه لا ماظن تطيــــب

واعظم اجروحه السبي وجمراتـــه
ويلاه يـــــــــا فاطمه

ــــــــــــــــــــــــــــــــــــــــــــــ

ابيا وكت زينب تصد ليها الزلم
والشمر يحديها بـسياط وشتم
شنهي چا وين التكفلها الشهــم

طايح وعگبه افرحت شمــــاته
ويلاه يـــــــــا فاطمه

ــــــــــــــــــــــــــــــــــــــــــــ
سيد علي عبدالزهره الناجي

كلشي انتهى وي طيحتك ... عباس يا ضي عيني
ما ادري اشيلك للخيم ... ما ادري اشيل اسنيني

_1_
جيتك ركض .. من الخيم ..ما ادري خوية بحالي
من شاهدت.. طولك هوه ..صارت ظلام اكبالي
ظهري انحنه .. وي طيحتك ..عباس خوية الغالي

اجيت بكسرتي ... انشف ابدمعتي ...
واصبر عبرتي  ... يخوية
على طولي اوكعت ... صحت بسمك صحت ...
عدل بعدك متت ... يخوية


اكعد يحماي الخدر ... لا وحدَّي اتخليني
ما ادري اشيلك للخيم ... ما ادري اشيل اسنيني



_2_

ياابا الفضل ..كوم ابعجل..رد ضحكتي اعله اشفافي
متلوك الك .. هالنومه ابد ... نومك يهد اجتافي
كلشي فداء ..  ايروح الك.. بس انت اريد وكافي

يأغله امن الهوه... علي رد الضوه ... يشيال أللوه
يروحي
يعباس الشهم.. حرت منك شلم .. بقى منك رسم
يروحي

ماتسوه دنياتي بعد ... عينك منو يواسيني
ما ادري اشيلك للخيم ... ما ادري اشيل اسنيني
...




_3_

وين انطي يا .. خوية الوجه ..والمن ادير اعيوني
عاين بقيت ..  الوحدي ... وهواي الي كرهوني
اكعد ولو .. ساعة  زمن ...  نرجع سوه لضعوني

اشيلك عالمتن ..لعند ام الحزن .. الك كلشي يحن
يكافل
رقية اروحيتك... تناطر جيتك  ... ترد ابرايتك
يكافل

ان جان ظلك جم نفس ... يا بو الشيم حاجيني
ما ادري اشيلك للخيم ... ما ادري اشيل اسنيني
.....




_4_

عين الخيام .. وعين الك ... واثنيكم وي روحي
محتار ارد .. لو انه اضل... يمك أبدمعي ونوحي
يالكطعوك .. اعله النهر ... انت اشد  اجروحي

يسفي البي اهد ..الك جفي امد .. اروح وليك ارد ... اريدك
ترد روحك الي ... طلبتك من علي ... يكافل كل هلي ... اريدك

مو صعبه من ترجع عدل ... يالموتتك تاذيني
ما ادري اشيلك للخيم ... ما ادري اشيل اسنيني

.....




_5_

انطيني حل... يابو الوفه .. منك اريد جوابي
زينب اذا .. رد للخيم ... خافن تشوف اصوابي
شنطي عذر .. لو سائلت ... عنك يأغله احبابي

ينايم عالترب ... خبر موتك صعب ... يحمله كل كلب ... اخبرك
يالمكطع وذر ... جفوفك عالنهر ... خذت مني النظر ...اخبرك

عباس كل هذا النهر ... بعدك فلا يرويني
ما ادري اشيلك للخيم ... ما ادري اشيل اسنيني
........

تمت

كلمات
موسى الخادم

#قصيدة_لمحرم_الحرام

قصيدة ليلة الوداع ليلة العاشر بين السيدة زينب عليها السلام واحبابها


ليل الوداع اشسوة بينة   شيبنة من اتوادعينة
واحد يودع الثاني    شيبني حال اخواني
=============================
من اصــــعب ايام العمر  ليلة وداع العاشر
ابخيمة الچبيرة اتجمعوا  احبابي والكل حاضر
صار الحچي چلمة ودمع   والجفن ضل مساهر
كل لحضة احسنها بسنة   شاب الگلب والناضر
يا زينب ايصيحون كلهم  احباب الگلب لا ما املهم
دلالي ضل يعاني    شيبني حال اخواني
============================
فگد الولد يدمي الگلب  ياعمة اوصي بأمي
واسيها من يلفي الخبر  جسام طايح مدمي
امي الحنينة ام الوفة   حنيها عمة بدمي
حلمي اموتن وي هلي  وباچر أحقق حلمي
للخيمة باچر ما يزفوون   باچر شهيد وتجري العيون
بعمي الابو وصاني    شيبني حال اخواني
==========================
شمعت شبابي لو طفت   عمة وتغمض عيني
يعينچ علي يا ام الصبر   لو وصل صوت ونيني
مگطع اجي فوكَ المتن   وخلفي الابو ايناديني
بعدك على الدنيا العفا   مصابك علي ماذيني
تناديني امي ياضوة العين  ويتجمعن كل النساويين
امگطع وصل تلگاني   شيبني حال اخواني
==========================
اعله الخال ثلثين الولد    كل الخلكَ تدريها
العباس خالي ومن اهد    الحومة العب بيها
عون انة ابنچ بت علي    ربات ايدچ تعرفيها
وي خالي باچر مقتلي   روحي لخوالي افديها
وداعچ ييمة باچر ادموع   گلبچ علية ايلوج مفجوع
موت الشرف ناداني    شيبني حال اخواني
===========================
ميت على لساني الحچي  بالگوة احچي حچاية
صح بالمعارك چن اسد   لاچن حنين هواية
من هسة ميت من بدت   زينب تودع الراية
تمشين من بعدي بيسر   لا كافل ولا حماية
عنچ يزينب امشي بالجود  مگطوعة من عباسچ ازنود
ويمچ رقية اتاني    شيبني حال اخواني
=============================
ما مر على گلبي مثل   لحضة وداعي لزينب
گامت صور باچر تمر    فوكَ الهزل تتـــسلب
شميني واشتم ريحتچ  ياخوية اجيت ابمطلب
صدري من اودعچ للحرب  للخيل يصبح ملعب
باچر الخيل ابصدري ادوس   واعله الرماح امعلگة الروس
حالچ يزيد احزاني    شيبني حال اخواني
===========================
أسالكم الدعاء رائد الاسدي

#قصيدة_لمحرم_الحرام


قصيدة بحق العليلة جديد


چان اعله بابي الطير يغرد صباح الخير
يا بوية من سافرتوا عني طير السما ون اعله وني
==========================
ايغرد الطير امن الصبح وي صوتة ابدي بيومي
نگعد ســـوة انة و هلي مرتاحة حلوة علومي
بمصباح يوم اضلم صدح للحزن فاطم گومي
بس انة وانتي والدمع صارت چبيرة همومي
رايح عزيز الروح خلة الگلب مجروح
صار البچي والنوح فني طير السما ون اعله وني
==========================
هُدهُد سُليمان النبي محتاجة الك تدريني
تطوي الارض وعلية رد كون بخبر تلفيني
مملكت بيت ال النبي وين اصبحوا دليني
ويا آصف بشوكَ لهلي بلمحت بصر وديني
أتمنى بس ما صار ضليت اون بالدار
لا خبر لا مرسال اجني طير السما ون اعله وني
==========================
تعبانة من كثر المرض والونة تجرح گلبي
اكتب رسايل للمشوا وعيوني الهم تربي
ياطير مد جنحك الي حمل اشواگي وكتبي
وصلهن لنبض الگلب ويشوف شوگي وعتبي
ارحل ياطير الشوكَ واحمل گلب محروكَ
شيبت وانة بزغر سني طير السما ون اعله وني
==========================
عني المحامل من مشت منكم ما واحد ردلي
منتظرة من عدكم خبر گلبي نسوچ ايگلي
شو طوليتوا وما رجع لا اخو ولا عم يهلي
ابعث مكاتيب اشكثر وجواب ما يوصلي
عني الخبر مگطوع ضليت اصب ادموع
من شمهن اهدومك عمني طير السما ون اعله وني
===========================
وي كلشي ابعثلك گمت عن كلشي بعدك جاري
مستغربة شلون وعجب رد ما يجي من اخباري
تاهت مراسيلي ابهوى لــــو ما يعــــرفن داري
بالدار انوحن وانتظر ليلي اتـــصل بنــــهاري
ينساني ابوي شلون لا اهلي ما ينسون
ابقى ابأمل ما خاب ضني طير السما ون اعله وني
===========================
أسألكم الدعاء رائد الاسدي

#قصيدة_لمحرم_الحرام

قصيدة بحق فاطمة العليلة عليها السلام


يا بوية والموت الخذاكم ذبيت ماي اشگد وراكم
ماي البالعيون هلبت تردون
ذبيت ماي اشگد وراكم
==================
لجل السلامة حظرت ماعون للماي
ومتروس بموادع هلي بدموع عيناي
وحطيت روحي ويالدمع اوناتي بهداي
وبديتهن فوكَ الدرب واتنطر الجاي
علة وهجر زايد عذابي بنوح وحزن يجرح عتابي
اترجة الضعون هلبت تردون
ذبيت ماي اشگد وراكم
====================
انتم تلمون الظعن وانة اجمع الروح
وشديها بطرف الظعن وياكم تروح
چني اشوفن كربلة جدامي اتلوح
نار ابمخيم شاهدت دم بيها مسفوح
گلبي انخمش وانشده بالي تمشون وانة شلون حالي
چا موش تبطون هلبت تردون
=====================
كلما تنگلون الجدم يطلع اثر موت
صيحت يا بوية الحذر ما تسمع الصوت
اركض واصيحن ياهلي ردوا للبيوت
بعيني اشوف القافلة تشبه التابوت
يالرحتوا ريضولي اگلكم الموت يفتر فوكَ منكم
شو ما تسمعون هلبت تردون
======================
رديت مكسورة گلب للدار رديت
هلبت اشاهدلك اثر موجود بالبيت
يا بوية اشوفك كل كتر لا وين صديت
اتوسد بحضنك بعد اشگد تمنيت
هم ترجع النة ذيچ الايام بحظنك تحطها بتك تنام
كتلتني الظنون هلبت تردون
======================
كل لحضة يحبابي التمر احسبها بسنين
تچويني نيران الهجر وانتم بعيدين
اصبر وتانيهم هلي ماضني ناسين
الهم عليلة تنتضر اهلي الحنين
يا يوم بوية لبيتك تعود بس لا يضل البيت مسدود
ما ضن تذكرون هلبت تردون
========================
اتدور ابخيالي والفكر كل ذكرى وياك
هيهات يلهيني المرض يالغالي وانساك
يهيج حنين البالگلب يا بوية طرواك
لو تنفدي النفس بنفس بالروح لفداك
يا اعز من روحي وحياتي ابهجرك عفت كل امنياتي
انساكم شلون هلبت تردون
======================
أسالكم الدعاء رائد الاسدي

#قصيدة_لمحرم_الحرام


قصيدة نزال بحق ابا الفضل العباس عليه السلام


لا ما يحط لثام حد عيونة
مكشوف وجهة وخاطر يعرفونة
==================
سوح المعارك تشهد اعله العباس
لو صال بيهم ما يضل سالَم راس
ايشرب جيوش اللاگتة مر الكاس
لو تنگلب صوبين ميگدرونة
===================
يمشي اعله طولة وما يهاب العدوان
انة ابو فاضل خاف محد سمعان
الما سامع اخباري يطب للميدان
مگصوص راسة گبل رمش جفونة
====================
ما حطن لثام ويخاف يگولون
ومنگب اطلع خاف ناس يعرفون
مكشوف وجهي الما دروا خل يدرون
انة الي سبع الگنطرة يسمونة
====================
غير انة ضماني الحسين لهاليوم
چا شنهي اخافن عود من هاي الگوم
طايحكم يصير اكثر من الي يگوم
الما لوح اذبحة ويشرد ايسحگونة
=================
طبعي الشجاعة وفارس وبيدي لواي
شما عدكم من جنود حطوا اعله الماي
راح انزل الميدان والجربة وياي
ابن امة اليضل واگف تشوفونة
=====================
روحي الحسين ولا اعز من روحي
وتنخة بية وللمفاركَ يوحي
صوتة الهضمني وزاد بية جروحي
حزام الظهر وكت الشدد يردونة
=====================
اسالكم الدعاء رائد الاسدي

#قصيدة_لمحرم_الحرام


قصيدة بحق مسلم ابن عقيل كأني بمسلم ينتضر اهله يأتون الى زيارته لانه يعلم انهم قادمون خلفه جديد


آه يا هلي يهل المحنة   حن الگلب الكم يهلنة
ادري وراي اتسير الضعون
مروا اعله مسلم موش تنسون
======================
تصد اعله الدرب عيني   اتاني احبابي بية أتمر
يضل حي الشهيد المات   يحس وعايش ويشعر
هلي كلهم محنة وطيب    هلي الكسر الگلب تجبر
يبن عمي العزيز حسين    ابن عمك الك ينطر

بگبري واتاني جيت احباب   ياوسفة ماصح بالگبر باب
دوم لدربكم تربي العيون
مروا اعله مسلم موش تنسون
=================
شعور اليوم الي بگلبي   غريب وما شفت مثلة
احس يطلع يريد ايروح   يتاني اعله الدرب اهلة
الفاركَ كل هلة وناسة  اعله گلبة الفرگة مو سهلة
اذا يسمع يجــون بيوم   تطيــــب ابروحة كل علة

چنكم تجون اليوم يهلي    منكم ولا طارش وصلي
متانيــــكم وما گاطع ظنون
مروا اعله مسلم موش تنسون
======================
وصلتوا الكوفة وانة انطر   ودليلي اتعذب بشوگة
تفطر گلبي من الشــوكَ   واحس امگطعة اعروگة
ظعنكم شفتة بس نسوان   وعبيها اعليها محروگة
واشوفن بس علي السجاد  وعبرتة بصدرة مخنوگة

شفت الضعن ماهو الحسين  واعله المهازيل النساوين
والبالضعينة اغراب يحدون
مروا اعله مسلم موش تنسون
=========================
ترد لية العـــــمر ساعات   اسألك يا الهي بهاي
اريد اتلگة اهــــل بيـــتي   واشربهم بدية الماي
اشوف من العطش والضيم  متغيرة الوجوه اهواي
وبالوجوه الرعب والخوف   مرسوم وفگدت الراي

گلبي لهب نار لحميدة    شوفتها واخوتها يريدة
هذا انة يمكم لا تــــتيهون َ
مروا اعله مسلم موش تنسون
=====================
وصية لبنتي عد طوعة   انشدوها شجرة اعلية
غريب وما بگتلي انصار  بس طوعة وفت هية
طحت من القصر للگاع   وحبل من رجلي ليدية
وجروني اعله طول السوكَ  وتكسر كل عظم بية

ما صح بدية واطلع الكم   هذا انة موش بعيد عنكم
من طوعة انشدوا حالي شلون
مروا اعله مسلم موش تنسون
======================
اسالكم الدعاء رائد الاسدي

قصيدة عيد الله الاكبر عيد الغدير الأغر 🌹


بايعتك علي         يا أشرف ولي
يا أبا الحسن        يا أبا الحسن

أهل الأرض وأهل السمه فرحانه بالتنصيب
ياأبا الحسن أسمك گمر ماساعه عنه أيغيب
من أسمك عرفنه أحنه الكرم بيك الجروح أطيب
والضيعك مايفتهم  منك  أمنين أيجيب

صحت آنه وهلي         بايعتك علي
يا أبا الحسن             يا أبا الحسن

آخره ودنيه ياعلي تحضر محبينك
وكل اليحبك سيدي أتشيله أبوسط عينك
من عالم الذر بايعت أمشي على دينك
والبايعك يا أبا الحسن مخلوق من طينك

كل هم ينجلي       بايعتك علي
يا أبا الحسن         يا أبا الحسن

دين الله ثبته أبشرف ماجاملت واحد
وفقارك أبسوح الحرب فوگ الرگب شاهد
وكل سيف ضدك ينشهر من الأصل بايد
فضلك على كل البشر متصدر وزايد

بشانك اعتلي       بايعتك علي
يا أبا الحسن       يا أبا الحسن

أسمك بحر ياحيدره ماينوصف وصفه
الفقارك أمن أكتب شعر ماأوصل الطرفه
مولاي أنته أسمك فخر والعالم أتشرفه
ياهو الوگف وگفت علي بحسانه وبعطفه

ياشمس رتلي      بايعتك علي
يا أبا الحسن        يا أبا الحسن

لخادم الامام علي ( ع)
سلام  البهادلي

قصدة السيده فاطمه العليله
علها السلام

سافر لبعيد الغالي   هذا الماچان ابالي 
گتله اخذ اعيوني وسافر
الماشوفك بيهن باچر
سافر لبعيد الغالي


الحسره تاخذني وتردني واگفه أباب الامل
الدنيه ماتسوه وطعمهه باهت ابدون الاهل
من اشوفنك اطيب وتنشفي كل العلل
الدمع خله اثار بيه عله الخد لمن همل

بل باب اگعد يوميه     لو تدري اشصاير بيه
شوگك داير ماداير
  گتله اخذ اعيوني وسافر

رحتو مني وراح عمري وشلي بسنيني بعد
ليش ماگلتولي نرجع ومانطيتوني وعد
ابيتكم راحت الفرحه والحزن وسطه گعد
شلون اخلص ايامي بويه والاحبنه ابتعد

الحسره عليكم تذبحني   بويه مچانك يجرحني
بلباب اعيوني تناطر
گتله اخذ اعيوني وسافر

چنت يوميه اشوف اعيون الحسين الفجر
وهسه فارگني ودليلي عليه أحسن ينفطر
منكم الينطيني شوفه بشاره گلت انطي عمر
الخاطر اعيون البچلكم ردو موكافي هجر

عيوني الخاطركم فدوه     يااهل العشره الحلوه
بنيتكم تبقه تصابر
گتله اخذ اعيوني وسافر

والله مشتاگه الخواتي وذيچ الايام المضت
ادعي من الله يجوني وترجع ايام الگضت
منكم اقبل كلشي لكن روحي فرگه مارضت
يمته احضنكم وگولن عيني وياكم حضت

عل حايط اكتب ذكره    يابويه ارجعلي واقره
وطيوف اجروحي تهاجر
گتله اخذ اعيوني وسافر

ابد مامطمنه بويه عليه طولتو تره
گلبي مل الانتضار وصورت الملگه قره
ياهلي ماادري يمكم بالخيم شنهو الجره
شفت دخان وبواچي وعله التل ركضت مره

بس لاطاح الحبيته   بست امچانه وحاچيته
اسم الله اعليه امن الحافر
گتله اخذ اعيوني وسافر

سلام البهادلي

((دوس الخيل))


أهيم من الصبح لليل
واعيش بجلمةْ الياويل
هيه الخيل موش هواي
بس هواي دوس الخيل

ياحسين ...

"""""""""""""""""""""""""""""""""""''''''''''

يهدن ذكريات الطف على البال
ويچويني الجمر يحسين ناديت
تنزل دمعتي مشيت مــــره بليل
تتلفــــــــت بخدي تگول حنيت
بتجاعيد الجفن تتعـــثر النــوگ
یالمسهرني مثل المـــاملك بيت
واسولفلك سوالف مال عــشاگ
عسى وليتَ هــــذني والتمنيت

العگل ما ادري رايح وين
خليت امكانه حسين
مايدرون من يحچـــــون
عمري ماعشگت اثنين

ياحسين ...

"""""""""""""""""""""""""""""""""""''''''''''

ماگلك اريد من البچي ارتاح
ولاهيدن أضل كل وكــتي بچاي
مو قصةْ عطش من ما ترويت
هوه الشوفتك يعطــشلك الماي
يالمگطر نده بحساس الجروح
قليلك هيج احسبه هواي وهواي
من گتلك اريدن گتلي شتريد
گتــــــلك انتـــــــه اريدنك يمولاي

اريدك وانت بيه تصير
اعیش وياك لو بالبير
شما يتعده بيه الــشیب
خــويدم چن ارد زغير

ياحسين ...

"""""""""""""""""""""""""""""""""""''''''''''

عزيزي وصاحبي وتسولف وياي
وتنطيني قـــــــبل لا مدلك الأيد
تعرفني بدمعتي الــتارسه العين
المهم انت تعرفني وكلشي مـاريد
اسولف بيك حتى اعله المجانين
اصفنهم وروحي اعله البجي اتزید
المايدري بعذابي بضهري خيگول
عمـــي وكفل زينب لحضه ماهيد

اهيد بیا صريخ عــيال
لو بالنوگ لو بحبال
لو بالدرب طفله اطيح
آنه انســان مو تمثال

ياحسين ...

"""""""""""""""""""""""""""""""""""''''''''''

عشگتك چه عرفتك منتهى الشوگ
ويــــامعنى الجرح بالحسره مخنوگ
أنـــــــــه صاحب وفه يحسين وياك
اليدوس اعله الجمر يفهمني محروگ
مو هينه اعله زينب طـــــولها نشاف
ویتصفح بضلها المار بالـسوگ
قليله الــــــــثوب اذا شگـــيته ياناس
أهو ثوب السمه اعله الخدر مشگوگ

انه اتلوه مثل مســـموم
الزينب والدمع مفهوم
غريبه من السبي للشام
مــن ذاك الزمن لليوم

ياحسين ...

"""""""""""""""""""""""""""""""""""''''''''''

اطير من الحزن والجنح مكسور
من اسمع غريبه تسولف الناس
واگَعدّ صفنتي المكسوره بالــنوح
واتمتم بالصلا قل هو عباس
واشيل چفوف اديه ياعلي ارجوك
یالمرکب الراس اگطعلي الراس
زينب تنســـــــبي ياحـــيدر شلون
وانته اگبالها تطشر احساس

زينب تنسبي وايــنام
وحيدر هو رب الشام
تسكت ياعلي والگوم
تسـبي الحرم والايتام

ياحسين ...


عبد زينب
محمد الابراهيمي

لحن (دوس الخيل)
بصوت
ملا علاء العگيلي
كوت

#قصيدة_للقاسم_ع
قصيدة اخلاقية ارشادية
لسان حال القاسم ع يخاطب الشباب الموالي

حتى لو طفّوا شمعتي
موقفـي مـــا ينطـفي
بالتـــــزامك يا مــوالي
فرحتي و بيها اكتفي
كربلة خليها تصبــح كل حياتك
ثاني قاسم تگدر اتصير ابثَبَاتك
ـــــــــــــــــــــــــــــــــــــــــــــــــــ
في كُلِ عصرٍ كربـــــله موجــــودة
و موجودة احفاد الشمر و جنوده
و ابنص ضمـــيرك تلگاه
چـــــــودر احسين اضعانه
بهالحالة قرر انته الــمن ترصف
يرجع الك حق اختيار الموقف
توگف معَ انصار احسين
لو وَيَّه ابـــــــن مرجـــــانة

اتمهل و صفيها نيتك
عن وعي اخـــذ القرار
بالفــــعل اثبت ولائك
مو فقط كلمة و شعار
لا تظل بالدنيا غافل حد مماتك
ثاني قاسم تگدر اتصير ابثَبَاتك
ـــــــــــــــــــــــــــــــــــــــــــــــــــ
من الطفوف اخـــذ العِبَر و الحكمة
و ادرس نهج سبط النبي و افتهمه
منَّك يريد الاخلاص
قبـــــــل الطـــــــم و العبرة
اليسلك طريق حسين لازم يفهم
قصتنا مــــــو قصة عزاء و مأتم
للفكر ضحينا ارواح
و اولـــــــها روح الــــــزهرة

من اجـــــل تتوعه انته
دمّنا ســـــــال ابكربلاء
ثمرة المجلس صلاحك
هذهِ غاية كــــــل عزاء
بالمجالس حاول تحسن صفاتك
ثاني قاسم تگدر اتصير ابثَبَاتك
ـــــــــــــــــــــــــــــــــــــــــــــــــــ
واضـــــــح نهجنا و ابد ما يتغير
شمس الهداية حسين نبع الكوثر
من نــــــوره نَوِّر دنياك
و غَيِّر جمـــــــيع اوضـــــاعك
لا تنجرف وي روج شط شهواتك
صاحب عقل خليك و احفظ ذاتك
من النفس زين احتاط
و لا تمشي خلـــــــف اطماعك

العُمر عيــــشه ابكرامة
و لا تطــخ راس لـــــــذنب
احسب احسابك علينا
انته باچـــــــر تنحـــــــسب
اصحه كافي تبقه نايم في سُباتك
ثاني قاســــم تگدر اتصير ابثباتك
ـــــــــــــــــــــــــــــــــــــــــــــــــــ
بالدنيا لا تنغــــــر تره خلصانه
و الگبر ما ترهمله بس اچفانه
بيها انت نازل خطار
و لا تعتـــــــبـــــــرها دارك
مثل النجم تزهي و تظـل تتلامع
و تكبر بعين احسين من تتواضع
حب الأنا بين الناس
بالك تحـــــــط بافكـــــارك

تگدر احسينك تخدمه
من تمـــــــد ايد لفقــير
حيدر ايتامه غنـــــاها
و هوه گاعد عالحصير
عالتعاون و التــسامح أبني ذاتك
ثاني قاسم تگدر اتصير ابثباتك
ـــــــــــــــــــــــــــــــــــــــــــــــــــ
بالخدمة كون اتقوي ساس ايمانك
و احذر يخادم مـــن كلام اللسانك
عالغيبة لتعود الروح
و اجبر احسين مصابه
بيوم الحشـــر تتفاجئ باحوالك
من چفتك ترحل جميع اعمالك
اعمالك الـزينة تروح
للي ابطــــــعن مِغتابه

كل فعل ما يرضي ربّنه
منّه ينــــــزل چم بلاء
وجهك ابيض خله يبقى
و لا تسَّــــوْده بالرياء
قَوّي ايمانك بعد و اضمن نجاتك
ثاني قاسم تگدر اتصيــر ابثَبَاتك
ـــــــــــــــــــــــــــــــــــــــــــــــــــ
و اخر نصيحة لو ردت خدمتنا
گتـــــلك تراهي مو لطم غايتنا
من يظهر القــائم كون
انصـــــــار اله اللطـــــــامه
اول دعـاء للفـــرج ادعي المعبود
و افضل عمل هو انتظر الموعود
بهاي المجالس يا ريت
المـــــــهدي يشـــد احزامه

يعجّل البــــاري ابطلعته
رفعوا بخـــلاص الادين
اتوســـــــلوا بدم الكفالة
و ابنحر راس الحسين
يا موالي ناصر ابعـــزمك ولاتك
ثاني قاسم تگدر اتصير ابثَبَاتك
ـــــــــــــــــــــــــــــــــــــــــــــــــــ
الحمدلله
#علي_حسين_الكناني

#نزلة_لصاحب_الزمان_ع

بليل انتظارك. سيدي
حرگتني نارك. سيدي
ـــــــــــــــــــــــــــــــــــــــــ
گاعد عله ابساط الصــبر
چفي اعله خدي و انتظر
يمتى يــرد راعــي الامـر

ونات // لچمات // دمــعـات // هضم
احزان // غرگان //عطــشان // لــطم

اظلــم نــــــــهارك سيدي
حرگتني نـــــارك. سيدي
ـــــــــــــــــــــــــــــــــــــــــ
عالونة و الدمـــعة انتــچي
ذبلت اعيــوني امن البچي
و غصصني مولاي الحچي

ناديت //ونيــــت //صبيت// دمــع
منحور. //مجمور.// مكسور // ضـلع

ضايَّگ مَرارك سيدي
حرگتني نارك سيدي
ـــــــــــــــــــــــــــــــــــــــــ
عيني تلاوح عالســــمة
وينك ينجـــمة فاطــمة
ارويني ذابحني الضمه

يا ماي // عينـــاي// بضمــاي// متت
رجـواك // دعواك // رؤيــاك // ردت

وحشة ديارك . سيدي
حرگتني نارك. سيدي
ـــــــــــــــــــــــــــــــــــــــــ
كون الله لا ينـطي الذنب
خـــلاني عـــنك انحجب
ادعيلي يا ماي العــــذب

محتاج// يا تاج // منــــهاج // علي
تعديل // تجميل // تكميل // الي

بظل استتارك سيدي
حرگتني نارك. سيدي
‏ــــــــــــــــــــــــــــــــــــــــــــــــــــــــ
حته اذا موتي وصـل
ما ينگطع بيَّ الامـــل
ميت و ناديك العجل

نهرين // بالعيـــــــن //صوبيــن // سِلَك
مذبوح // مجروح // و النـوح // اِلَــك

مثـــل احتصارك سيدي
حــرگتني نـــارك سيدي
ـــــــــــــــــــــــــــــــــــــــــ
ليلية اصـــــليلك فرض
و ادعيلك بدعوة حفظ
چا يمتى تعدلهه الارض

للثــــــــــأر// بتار// مـــــن نار// تسِل
عالكيف // و الحيف //السيف // فعِل
ضامي فقارك سيدي
حرگتني نارك. سيدي
ـــــــــــــــــــــــــــــــــــــــــ
الحمدلله
#علي_حسين_الكناني

#قصيدة_لمحرم_الحرام

غطو راس حسين عني
عيونه هنه  اليوجعني
جنه شاف الصاربيه
بلحبل مچتوفه اديه
غطو راس حسين عني
………… ..
ماريده يشوف حالي وگلبه ادري الينكسر
ظامي والخيل التسحكه ولجلي احس صاير جمر
من يشوف حبال اديه وحايره بين الكفر
ماكو جف يشيل سيفه يكلي يابويه العذر

يحير لو شاف الجرالي
ماريده يشوف حالي
لجله خل يزيد وني
&*&*&*-&&&&*
حيره لو شاف الجرالي وشاف ادينه مگيده
وشاف عمتي تلم يتامه وحيده مابين العده
حسين روحئ بطن نحره وشايف البينه وسده
يدير عينه شما تعبنه وتبجي ويه الفاگده

عيونه تهمل لو بجينه
ودري بي يسمع حجينه
تيتمت هسه انه جني
@@*@*@@*@

البو لو صد عله بنيته بنظرته تحس بحنان
ولو ظحگ سنه وتشوفه بظحگته تلگه الامان
وانه صدلي ونحره ينزف دم يصب من كل بكان
شلت حبل السبي الابيدي وظيعت جرح الذان

سلبو مني التراجي
وانه ظل فالي البواجي
كلشي مسلوب انه مني
&*&*&*&*&&&&**&*

غطو راس الوالي والحر يبس الدم علرمح
كلها هاي الناس تدري حسين ميت منذبح
ماكو داعي گبال عيني تچمل جروحي بجرح
وانه ادري  الراحه راحت هاي ابد لا ماتصح

وين والراحه بچفاهم
راح اموت انه وراهم
وخيبت هل دنيه ظني
&&&%&%&&%&&*

خاب ظني بهل خرابه ويست منها بعد
توني شفت حسين يمي يسولف بصفي وكعد
جيبو راسه وخل احضنه وخل اموت بهل بلد
المن ابقه انه بعدهم وانه ماعندي سند

جيبو راسه وخل اشوفه
ويمه اموت وما اعوفه
وهل مصايب دوهنني


#ابو #سلام #الجابري



@HxzEU1

قناه نشر القصائد المنبريه

#قصيده_العباس

((دثرني غيره))


محتام اجيت الشوفتك
دثـــرني غــــيره برايتك
عطشان اجيـتك يالگمر
شربني كـــوثر جـــربتك

عباس .. ممنـونك
عباس .. مديـونك
عباس .. مجنونك

هوه اليحب مايطلب الدمعه
عاشگ ودمعي قصةّ الشمعه
اصرخ وأگــولن يالگمر وأنعه

مولاي ابو فاضل ...

"""""""""""""""""""""""""""""""""""''''''''''

ازرعني بدروبك ألم
سويني سالوفت نغم
ممنونك وآنه اعترف
مخليني خادم للخدم

وفاي .. بالغـيره
وفاي .. تصويره
وفاي .. تعبــيره

عباس اجيتك والحچي بروحي
شما زاد عشگي تـــكثر جروحي
وأگبال حِسنك ما أكــض نوحي

مولاي ابو فاضل ...

"""""""""""""""""""""""""""""""""""''''''''''

شممني عطــــرك يالاخو
واترسني من عطفك دفو
كـــــــل خوه يمك تنحني
بس انتـــه تســــتاهل اخو

نسمات ... بنفـاسك
نسمات .. بحساسك
نسمات .. نبـــراسك

من نور وجهك تستحي الفضه
والمـــــاي بسمك صـار يتوضه
وصلى عليك وســـلم بفـــرضه

مولاي ابو فاضل ...

"""""""""""""""""""""""""""""""""""''''''''''

بسمك الطــــايح ينتـچي
والحدك ويگضي الحچي
والدمعه لا مـــو معجــزه
المعجزه نحــب البچــــي

لحسين .. وعياله
لحسين .. وخياله
لحسين .. انعــاله

منــــك نريد الحسره والشوغه
يحچايةّ (الله) بذهب مصيوغه
وضلوع صدري سود مصـبوغه

مولاي ابو فاضل ...

"""""""""""""""""""""""""""""""""""''''''''''

عباس يم بابـك ضوه
نورك يصاحب نينوى
وبدورت عيونك خيم
وبيمنتك صار الهـــوه

كفال .. لرقيه
كفال .. علويه
كفال .. بالنيه

عباس احبك واســجد ابابك
احسبني خادم ألك لحــبابك
جنيت روحي وعاشگ ترابك

مولاي ابو فاضل ...


عبد زينب
#محمد #الابراهيمي



@HxzEU1

قناه نشر القصائد المنبريه

لحن(دثرني غيره)
بصوت
ملا علي اكبر خضير
بغداد